Далан

Далан

Етәксеһе - Башҡортостандың халыҡ артисы,
билдәле йырсы Артур Туҡтағолов)

Йәкшәмбе, 19.00

1999 йылда төҙөлгән «Далан» фольклор-эстрада төркөмө бөгөн филармонияның сағыу, үҙенсәлекле коллективтарының береһенән һанала. Ул тиҙ арала үҙенең моңло ла, рухлы ла һәм халыҡсан йырҙары менән тамашасыларҙың һөйөүен яуланы. Ансамблдең художество етәксеһе, ижад ҡомары менән янып йәшәүсе Башҡортостандың халыҡ артисы Артур Туҡтағолов. Уның күп ҡырлы таланты араһынан актер оҫталығы ( ул Өфө дәүләт сәнғәт институтының театр факультетын тамамлаған), баян менән синтезаторҙа уйнай белеү генә түгел, ә үҙе ижад иткән әҫәрҙәрҙе, аранжировкалауға ярҙам иткән музыкаль маһирлығын да билдәләп үтер кәрәк. Артур Туҡтағолов музыка донъяһында бик күп популяр эстрада йырҙарының авторы булараҡ та билдәле. Уның йырҙары исемдәре ҙур танылыу яулаған сәхнә оҫталары - Иҙрис Ғәзиев, Нәзифә Ҡадырова, Фәрит Бикбулатов, Фәдис Ғәниев, Миңзифа Исҡужина, Зөлфиә Шакирова, «Карауанһарай» эстрада-фольклор төркөмө һәм башҡа башҡорт эстрадаһының йырсылары яратып башҡара.
Төркөм составына килгәндә, йырсыларҙан Башҡортостандың атҡаҙанған артисткаһы Миңзифа Исҡужина, Халыҡ-ара конкурстары лауреаты Искәндәр Ғәзизов, нәфис һүҙ оҫтаһы Редик Сәғитов, дәртле бейеүҙәре менән тамашасыны әсир иткән йәш бейеүсе Элина Урманшина, ҡурайсы Илнур Һибәтуллиндар ижад итә.
Башҡортостанда, сит илдәрҙә күп йөрөй был төркөм. Сит өлкәләргә сыҡҡанда милләттәштәребеҙҙең өмөтө, рухы һүнмәһен тип, күберәк патриотик йырҙарҙы алып сыға «Далан»дар.
Быйылғы ижад миҙгелендә төркөм тамашасыларға өр-яңы шоу-программа әҙерләй. Программала башҡорт халыҡ йырҙары, башҡорт, татар композиторҙары әҫәрҙәре яңғыраясаҡ. Шулай уҡ заманса сит ил хиттары эшкәртелеп, “башҡортсалап” башҡарыласаҡ.
Йырлы-моңло тамашаға рәхим итегеҙ, дуҫтар!

Показать полное описание Свернуть описание
Georgian Electronic Music Festival (GEM FEST)
14 Июль—14 Авг.
Пляж Анаклия
4500 - 48000
Владимир Соловьев
29 Сент.пт 10:00
МБУ Городской дворец культуры
11900 - 35000
Onyx & Dope D.O.D. "Shotgunz in Hell Tour Russia"
12 Нояб.вс 20:00
Огни УФЫ
1300 - 4000
Наверх